Rheilffordd Llyn Padarn

Mae’r daith sy’n cychwyn yn Gilfach Ddu’n mynd â chi heibio i gastell Dolbadarn o’r 13eg Ganrif, yn croesi’r Bala, o bosibl afon leiaf Prydain, yn ymlwybro rhwng dau lyn Llanberis wrth i’r trên fynd heibio’r estyniad (agorwyd yn 2003) i bentref Llanberis. O Lanberis, mae’r trên yn mynd heb aros drwy Barc Gwledig Padarn, ac yn ymuno â llwybr y rheilffordd a adeiladwyd ym 1845 ar hyd glannau Llyn Padarn i Benllyn. Yma cewch olygfeydd gwych o’r Wyddfa mynydd uchaf Cymru a Lloegr.

Hanner ffordd ar hyd y llyn mae trên yn aros ychydig yng Nghei Llydan, man picnic heddychlon hyfryd ar lan y llyn. Dewisodd Croeso Cymru’r llecyn hwn fel un o blith 10 uchaf o leoedd picnic gwych, sy’n cyfuno “hwyl picnic hen ffasiwn gyda rhamant taith ar drên ddoe”.

Mae’r trên yn dychwelyd i Gilfach Ddu, lle cariwyd llechi o’r chwareli i’r rheilffordd llechi. Yma gallwch wylio’r gyrrwr yn llenwi’r tanciau gyda dŵr ac yn procio’r tân yn barod at y daith yn ôl. Gallwch ymweld â chaffi gorsaf Gilfach Ddu i gael bwyd a diod neu bori yn y siop anrhegion a swfenîrs.

Mae ein injanau stêm Hunslet Elidir, Thomas Bach neu Dolbadarn o’r chwarel gynt a fu’n gweithio ar gychwyn eu gyrfa yn Chwareli Dinorwig gerllaw wedi’u hamserlennu i dynnu pob trên.

Ceir mynediad gwastad i’r trenau yng ngorsafoedd Llanberis a Gilfach Ddu; mae gan bob trên gerbyd a addaswyd yn benodol ar gyfer defnyddwyr cadeiriau olwyn.