Rheilffordd Talyllyn

Fel rheilffordd stêm wedi’i chadw gyntaf y byd, mae’n holl wybodus am greu teithiau arbennig: bydd hyd yn oed taith fer ar y Tal-y-llyn yn eich helpu i ymlacio. Cymaint felly fel y byddwch am ail-adrodd y daith.

Mae Rheilffordd Tal-y-llyn yn cychwyn o Dywyn ar arfordir Canolbarth Cymru, hanner ffordd rhwng y Bermo ac Aberystwyth ar ffordd yr A493. Mae’r rheilffordd lein gul a agorwyd ym 1865 yn cael ei phweru gan locomotifau stêm, ac fe’i hadeiladwyd i gario llechi o’r chwareli’r bryniau. Caeodd y chwareli yn 1946 ond parhaodd y trên cludo teithwyr.

Ym 1951 fe’i prynwyd gan Gymdeithas Gwarchod Rheilffordd Tal-y-llyn, y gyntaf o’i bath yn y byd, ac aelodau gwirfoddol y gymdeithas ynghyd â gweithlu bychan, llawn amser ymroddedig sy’n rhedeg y rheilffordd heddiw.

Defnyddir dau locomotif stêm Fictorianaidd gwreiddiol a phedwar cerbyd i deithwyr yn rheolaidd o hyd, ynghyd ag eraill sydd wedi’u hadeiladu neu eu cael dros y blynyddoedd. Mae’r trên Fictorianaidd gwreiddiol a agorodd y lein yn rhedeg ar ddyddiau Iau dewisol, ac mae’r daith hon yn cynnwys tywysydd teithiau personol.

Ceir gorsafoedd yng Nglanfa Tywyn (yn cysylltu â Lein Arfordir y Cambrian), Pendre, Rhydyronen, Brynglas, Rhaeadrau Dol-goch, Abergynolwyn a Nant Gwernol.

Mae lluniaeth ar gael yn Abergynolwyn, ac mae yna gaffi trwyddedig yng ngorsaf y Lanfa, siop sy’n gyforiog o anrhegion ac Amgueddfa’r Rheilffordd lein Gul (mynediad am ddim i’r safle).